Në një intervistë, themeluesi i Alibaba Jack Ma dha mendimin e tij për një gamë të gjerë të çështjeve globale, duke filluar që nga reagimi kundër globalizimit dhe administratës së Trump, perspektivat e një lufte tregtare mes Kinës dhe SHBA (që nuk do të ndodhë, thotë ai) dhe e ardhmja e vendeve të punës.
Në fund të intervistës, Ma i tha audiencës se ai kishte një këshillë të fundit për të ndarë – cilat duhet të jenë prioritetet tona për tre dekadat e ardhshme.
“30 vitet e ardhshme janë kritike për botën,” tha ai. “Çdo revolucion teknologjik merr rreth 50 vjet. Në 20 vitet e para, kemi qenë dëshmitar të rritjes së gjigantëve të teknologjisë si eBay, Facebook, Alibaba dhe Google. Kjo është ‘e mirë’, tha ai por tani ne duhet të përqëndrohemi në atë që vjen më pas.”
“30 vitet e ardhshme” duhet të jetë në lidhje me trajtimin e “implikimeve të kësaj teknologjie”, argumentoi ai.
“Gjëja më e rëndësishme është që të bëni teknologjitë përfshirëse – të bëni të ndryshojë botën. Diçka tjetër e rëndësishme është t’i kushtoni vëmendje atyre njerëzve që janë 30 vjeç, sepse ata janë gjenerata e internetit. Ata do të ndryshojë botën, ata janë ndërtuesit e botës.”
“Së treti, duhet t’i kushtojmë vëmendje kompanive që kanë më pak se 30 punonjës. Pra, 30 vite, 30 vjeç dhe 30 punonjës, në këtë mënyrë ne mund t’a bëjmë botën shumë më mirë.”
Burimi:businessmag.al
